కొబ్బెర చిన్ని

పచ్చి కొబ్బెర తో చేసే ఈ తీపు చాలా బాగుంటుంది.
కావలసిన పదార్థాలు.

పచ్చి కొబ్బెర ఒక చిప్ప తురిమి ఉంచుకోవాల.

చక్కెర తురిమిన కొబ్బెర కన్నా ఎక్కువ తీసుకొవాల.
అంటే ఒక  గిన్నెడు   తురిమిన కొబ్బెరకు ఒకటిన్నర గిన్నెడు చక్కెర అన్నమాట.

శనగపిండి రెండు చెంచాలు.

నెయ్యి రెండు చెంచాలు.
అంతే.

చేసే పధ్ధతి.
మందపాటి బాణలి లేదా గిన్నె తీసుకొవాల.

ముందుగా చక్కెర తడిసేటట్టు నీరు కొంచెం పోసి తడిపొడిగా కలపాల.

సన్నటి సెగ మీద పెట్టి చక్కెర కరగనిచ్చి, మధ్యలో కల్పుతూ ఉండాల.

చక్కెర కరుగుతూనే ఆలస్యం లేకుండా కొబ్బెర వేసేయాల.

కొబ్బెర వేసేటప్పుడు కల్పుతూ మెల్లగా   వెయ్యాల. . ఒక్కరే మానేజ్ చేయలేకపోతే పక్కవాళ్ళ సహాయం తీసుకుంటే
మంచిది.

ఇప్పుడు గరిట విడచకుండా కల్పుతూ ఉండాల.

మధ్యలో నెయ్యి వెయ్యాల.

సన్నటి సెగ మీద పచ్చి కొబ్బెరను బాగా ఉడకనిస్తే రుచి బాగుంటుంది. తొందర పడితే అంతే.

కొబ్బెర ఉడికి మనం వేసిన దానికంటే బాగా తగ్గుతుంది.

అప్పుడు కొంచెం శనగపిండి చల్లాల. ఒకే చోట పడకుండా చూసుకోండి. ఒకరు కలుపుతుంటే ఇంకొకరు వేస్తె మేలు.

తర్వాత నెయ్యి పూసి సిద్ధంగా ఉన్న తట్టలో కి వంపేసి సమంగా కావటానికి గరిటతో సర్దవచ్చు. లేదా తట్టను మెల్లగా తట్టవచ్చు.
తట్ట అంటె కంచం.
ఒక అరగంట లో ముక్కలు కోసుకోవచ్చు.
చాలా చాలా బాగుంటుంది.

గమనిక - శనగపిండి ఉండలు లేకుండా జల్లెడ పట్టి పెట్టుకోవాల.
చక్కెర లో నీళ్ళు ఎక్కువ కాకుండా చూసుకోవాల.