మరంతే గదండీ, వాళ్ళు నూడుల్స్ అంటారు. మనం సేమ్యాలు అంటాం. చూట్టానికి అలాగే ఉంటాయికదా! మా నాన్నమ్మ కు మేనత్త, మా తాతయ్యకు పిన్ని ఒకావిడ ఉండేది. పేరు లక్ష్మీ దేవి కానీ పేరు పెట్టి ఎవరైనాఆవిడను పిలువగా మేమెప్పుడు చూశాం గనుక? అవ్వ అనే వాళ్ళం. మాకు ఊహ తెలిసేసరికే ఆవిడకు ఎనభైకి పైగా వయసు. డిటెక్టివ్ నవలలు (వాటిలో అక్షరాలు చిన్నచిన్నగా ప్రింట్ చేసేవాళ్ళెందుకో మరి) చదివేది, ఆ వయసులో. అదీ గట్టిగా చదువుతుండేది. సినిమాలకు వచ్చేది. (తొంభైయేళ్ళప్పుడు కూడా. ) ఎందుకు చెపుతున్నానంటే ఆవిడ మొదట్లో సేమ్యాలుతయారు చేసేదట. మా ఊరికి వస్తే మాకూతయారు చేసి పెట్టేదట. ఎందుకు శ్రమ అన్నా వినేది కాదట. కొన్నవాటి కన్నా శ్రేష్ఠంగా ఉంటాయికదూ. హైజెనిక్ గా. ఆవిడ మాట ఎవ్వరూ కాదనలేరుట. మా తాతయ్యకు, నాన్నమ్మకు చిన్నతనం లోనే తల్లిదండ్రులు పోతే ఇద్దర్నీ పెంచి పెద్దచేసి పెళ్ళి చేసిందట. సరే అసలు విషయానికొస్తే మేము నూడుల్స్ తినను గాక తినను. మన సేమ్యా అయితే తినేస్తాను. కానీ కొడుకు కోసం చేస్తాను.
నేను చేసే నూడుల్స్ అదే చైనా సేమ్యా మా అబ్బాయికి చాలా ఇష్టం. బయట అస్సలు నచ్చదు.
నేనెలా చేస్తాను? అందులో కూరలన్నీ వేస్తాను. తర్వాత్తర్వాత కంపెనీ వాళ్ళే వెజ్ నూడుల్స్ అంటూ ప్రవేశపెట్టారు. ప్చ్....అనవసరంగా పేటెంట్ చేయించుకోకుండా వదిలేశాను.
కావలసిన పదార్థాలు:-
ముఖ్యమైనది మొదటే చెప్పానుగా,
ఉర్లగడ్డ ముక్కలు (కావలసినన్ని)
ఉల్లిగడ్డ ముక్కలు (కావలసినన్ని)
టమేటో ముక్కలు (కావలసినన్ని)
బీన్స్ ముక్కలు (కావలసినన్ని)
కారట్ ముక్కలు (కావలసినన్ని)
పచ్చి బఠానీ (లేదా ఎండు బఠాణి ఒక పూట నానబెట్టినవి)
ఉప్పు (కూరముక్కలకు తగినంత)
నూనె రెండు చెంచాలు
నీళ్ళు రెండు లోటాలు
తయారు చేయు పద్ధతి :-
ముందుగా పొయ్యి వెలిగించి బాణలి పెట్టుకుని నూనె వేయాలి. కాగిందనటానికి గుర్తుగా ఆవాలు వేసి చిటపటలాడనివ్వాలి.
కూరముక్కలు అన్నీ వేసి ఉడకనివ్వాలి
ఉప్పు వేసి చైనా సేమ్యా వేయాలి.(పాకెట్ లో ఉన్నమసాలా పొడితో బాటు)
మూతపెట్టి మంట తగ్గించాలి
నీళ్ళు పూర్తిగా ఇగిరిపోవాలా, కొద్దిగా మిగలాలా అనేది తినేవాళ్ళ ఇష్టం.
తినాలా లేదా అనేది మీ ఇష్టం. నేను మాత్రం తినమని చెప్పను. :-))
హమ్మయ్య! మొత్తం మీద వ్యాఖ్యల ఫారమ్ ని తెరవగలిగాను. :)
రిప్లయితొలగించండిమేమైతే శావాలు అంటాం మరి!
రిప్లయితొలగించండిమేమూ శావాలనే అంటాము. అసలు చదివేవాళ్ళకు అర్థమౌతుందో లేదోనని. :)
తొలగించండి